भिडियो हेर्न तलको बिज्ञापन लाइ हटाउनुहोस
 |
सत्तारुढ दलहरुले संविधान लेखनको प्रक्रिया अघि बढाउने निर्णय गरेपछि आक्रोशित प्रदर्शनकारीहरुले रुपनीको हटियाबाट जुलुस निकालेका थिए ।
जुलुस राजमार्ग प्रवेश गरेपछि प्रहरीले लाठीचार्ज गर्दै सात सेल अश्रु ग्यास र दुई राउण्ड हवाइ फायर गरेर भिंडलाई तितरबितर बनाएको छ ।
दंगाग्रस्त क्षेत्र अवज्ञा गरेको आरोपमा प्रहरीले सदभावना पार्टीका दिनेश यादव, हरेराम यादव, शम्भु यादव, रामसपाका मुकेश कर्ण र नेकपा माओवादीका भगवती यादवलाई पक्राउ गरेको छ । पक्राउ परेकाहरुलाई इलाका प्रहरी कार्यालय रुपानीमा राखिएको छ ।
सत्तारुढ दलहरुले असन्तुष्ट दलले वार्तामा बस्न र सहमति गर्न कुनै चासो नदेखाएको भन्दै आइतबार संविधान लेखनको प्रक्रिया अघि बढाउने निर्णय गरेपछि मोर्चाका कार्यकताहरु आक्रोशित भएका छन् ।
प्रमुख तीन दलले सीमाङ्कनको विषयलाई लिएर तराईमा आन्दोलनरत असन्तुष्ट दललाई वार्तामा बस्नका लागि संविधान लेखन प्रक्रिया दुई दिन स्थगन गरेका थिए ।
भिडियो हेर्न तलको बिज्ञापन लाइ हटाउनुहोस
|
Post a Comment